बुधवार, १५ ऑगस्ट, २०१२

कै. विलासराव आणि शनि-मंगळ युति


विलासराव देशमुखांच्या तब्येतीबद्दल बातम्या यायला लागल्या तेव्हा साहजिकच त्यांची पत्रिका बघायची उत्सुकता निर्माण झाली. नेटवर जन्मटिपण मिळाले पण अशा टिपणांच्या विश्वासार्हतेबद्दल शंका असते, तरी पण जन्मदिवस चुकीचा सहसा असत नाही. जन्मवेळ निश्चितपणे माहित नसल्याने पत्रिकेतील लग्न, ख-मध्य आणि चंद्र यांचा विचार करता येत नाही.

तरीपण पण मी केवळ जन्मतारखेच्या आधारे विलासरावांची पत्रिका मांडली असता रवीचे खालील योग पत्रिकेत दिसतात -

रवि-मंगळ अर्धकेंद्र योग
रवि-प्लुटो लाभ योग
रवि-नेपच्यून नवपंचम योग

यापैकी दूसरा ग्रहयोग जीवनात हरतर्‍हेने यशस्वी करतो. माझ्या अशोक चव्हाणांवरील ब्लॉग नोंदीत मी रवि-प्लुटो योगाबद्दल लिहिले आहे. रवि-मंगळ योगात अमाप उर्जा असते जी राजकारणात उपयोगी येते. या योगावर उद्योजक, खेळाडु विशेष यशस्वी होताना दिसतात. रवि-नेपच्यून नवपंचम योगात करिष्मा, ग्लॅमर  प्राप्त होतात. हर्षल-नेपच्यून-प्लुटो या ग्रंथात प्रसिद्ध ज्योतिषी म दा भट यांनी म्हटले आहे की, " लोककल्याणासाठी वा लोकहितासाठी कष्ट करणार्‍या व्यक्तींच्या पत्रिकेत हा योग बर्‍याच वेळा पहावयास मिळतो". विलासरावानी लातूरसाठी केलेले काम हा याच योगाचा आविष्कार आहे. असो.

ज्योतिषातील काही मूलभूत नियमांचा हा पडताळा बघितल्या नंतर विलासरावांचे आजारपण पत्रिकेत दिसते का याची उत्सुकता मला होती म्हणून ग्रहांची गोचर भमणे बघितली असता जन्मरवीशी गोचर नेपच्यूनचा केंद्र योग चालू असून १ ऑगस्टला तो एक्झॅक्ट म्हणजे अंशात्मक होत असताना  २ ऑगस्टला ही बातमी वाचायला मिळाली. (http://www.esakal.com/esakal/20120802/5496336880228873387.htm). जिज्ञासूंनी नेपच्यूनच्या जन्मरवीशी होणार्‍या योगांसाठी  श्री अमिताभ बच्चन यांच्यावरील नोंद वाचावी. नेपच्यून हा कमकुवतपणा आणि संसर्ग, विषबाधा इत्यादींचा कारक ग्रह आहे.

आजची शनि-मंगळ युति विलासरावाच्या पत्रिकेत जन्ममंगळाशी सात अंशात प्रतियुति करते. शनि-मंगळ युतीने यकृत प्रत्यारोपणाच्या प्रयत्नात अडथळे निर्माण झाले, आणि मी खाली दिलेल्या नोंदीत म्हटल्याप्रमाणे ही  युती विलासरावांसाठी जीवघेणी ठरली.

ईश्वर विलासरावंच्या आत्म्यास शांती देवो!

२ टिप्पण्या:

अनामित म्हणाले...

sir, vilasrao's birthdate is 26th may 1945 and as per your second last post this date is not included in the list affecting date by shani-mangal yuti. then how can this yuti has been affected to mr. vilasrao deshkukh?

Rajeev Upadhye म्हणाले...

खालील यादीत विलासरावांची जन्मतारीख नाही याची अनेक कारणे आहेत. महत्त्वाचे कारण म्हणजे खालील यादी तयार करण्यासाठी वापरलेले orbs (दीप्तांश)वेगळे आहेत.

जन्ममंगळाशी सात अंशात प्रतियुति करणारी शनि-मंगळ युति ही शेवटची काडी ठरली.