जमीन, हवा, पाणी दिले म्हणुन
कोणतेही झाड
कुठेही रुजत नाहीत.
जे झाडांचे तेच माणसांचं
सगळी झाडे
एका जागेवरून उपटुन
दूसरीकडे लावता येत नाहीत.
जे झाडांचे तेच माणसांचं
काही झाडे रुजतात आणि
झपाझप वाढतात
काही झाडे जागा झाली की
मग वाढतात
जे झाडांचे तेच माणसांचं
काही झाडे फार वाढणार नाहीत
याची काळजी घ्यावी लागते
कारण ’हवी ती झाडे’ मग
नीट वाढत नाहीत
जे झाडांचे तेच माणसांचं
- राजीव उपाध्ये
कोणत्याही टिप्पण्या नाहीत:
टिप्पणी पोस्ट करा